2023- жылдын 15-декабрында Бишкек шаарында КР билим берүү жана илим министрлиги Россия мамлекетинин «Мир Восток» фонду менен өнөктөштүктө өткөргөн эл аралык «Россия жана Кыргызстан: достуктун жана ишенимдин аймагы» аттуу Кыргызстандын мектептеринин мугалимдер жана окуучулар арасындагы сынактын жеңүүчүлөрүн сыйлоо аземи болду.

Сынакка Ч.Айтматов атындагы Ивановка #1 мектеп-гимназиясынын тарых мугалими Абдыкеримова Жанна Керимбековна жана 9- класстын окуучусу Зальцман Арина катышып, 1-орунга татыктуу болушту.
Сынактын шарты боюнча январь айында Абдыкеримова Ж.К. Москва шаарында квалификациясын жогорулатууга, ал эми Зальцман А. окуучулар үчүн уюштурулган экскурсияларга барууга жолдомо алышты.

Фонддун атынан Ивановка #1 мектептин жетекчиси Сартбаева Дарика Макешовнага Эл аралык конкурсту өткөрүүгө жана Кыргызстан менен Россия мамлекеттеринин достук жана кызматташуусун чыңдоо үчүн кошкон салымы үчүн ыраазычылык билдиришти.

 

Венера Шонкоева