2024-жылдын 18-19-январында Ысык-Ата районунун окуучуларынын арасында республикалык (райондук) олимпиадасынын 2-этабы болуп өттү.

Олимпиаданын ачылышына Ысык-Ата райондук мамлекеттик администрациясынын башчысы-акимдин орун басары Нурбек Сагынбаев, Билим берүү бөлүмүнүн башчысы Чынара Бакашова катышты.

Олимпиадага жалпы райондон 472 окуучу өз билимдерин сынашты.Олимпиада КРнын Билим берүү жана илим министрлигинин «2023-2024-окуу жылында мектеп окуучуларынын республикалык олимпиадасын өткөрүү жөнүндө» буйругунун негизинде жалпы билим берүүчү 10 предмет боюнча өткөрүлдү: математика, физика, информатика, химия, биология, география, тарых, кыргыз тили жана адабияты, орус тили жана адабияты, англис тили.

Республикалык олимпиаданын 2(райондук) этабынын жыйынтыгы боюнча 6 мектептин окуучулары алдыңкы орундарды ээлеген:

1. Кант шаарындагы Д.П.Зубков атындагы №1 ЖББОМ-Г
2. Новопокровка айылындагы Н.С.Баранов атындагы №1 ЖББОМ-Л
3. Кант шаарындагы А.М.Мурсабаев атындагы №4 ЖББОМ-Г, Туз айылынын А.Айталиев атындагы ЖББОМ
4. «Билимкана» жеке менчик ЖББОМ
5. Ивановка айылынын Ч.Айтматов атындагы №1 ЖББОМ-Г

Республикалык олимпиаданын 3(облустук) этабына Ысык-Ата районунан 38 окуучу катышат.